ვაშაყმაძე ივანე ალექსის ძე (1902)
- დაბადების თარიღი: 1902 წ.
- სოციალური წარმომავლობა: გლეხი
- განათლება: უმაღლესი. ფილოსოფიის პროფესორი
- სამუშაო ადგილი, თანამდებობა: დაპატიმრებამდე ამიერკავკასიის ინდუსტრიული ინსტიტუტის დირექტორი. დაპატიმრების მომენტისთვის მუშაობდა სახელმწიფო უნივერსიტეტსა და სამედიცინო ინსტიტუტში.
- საცხოვრებელი ადგილი: თბილისი, საქართველოს სსრ
- პარტიულობა: სკკპ(ბ)-ს ყოფილი წევრი 1917 წლიდან.
- დაპატიმრების თარიღი: 1937 წლის 27 მარტი.
- ბრალად ედება: რომ ამიერკავკასიის ინდუსტრიულ ინსტიტუტში შექმნა კ/რ ტროცკისტული ორგანიზაცია და ტერორისტული ჯგუფი, რომელშიც გაწევრიანებული იყვნენ ინსტიტუტის თანამშრომლები. სასამართლო სხდომაზე ვაშაყმაძემ თავი დამნაშავედ არ ცნო და თქვა, რომ წინასწარი გამოძიებისას მისცა არასწორი ჩვენება, რადგან დაკითხვებით იყო დაღლილი; 1927 წელს სრულად გამოეყო ტროცკიზმს და იმ დროიდან თავად ებრძოდა აქტიურად ტროცკისტებს. გარდა ამისა, ვაშაყმაძემ სასამართლოზე აჩვენა, რომ ტროცკისთან და პიატაკოვთან პირადი კავშირი არ ჰქონია, ხოლო ბუდუ მდივანი, ჩიხლაძე და სხვა ტროცკისტები ცილს სწამებენ და მათი ჩვენებები პირდაპირი შურისძიებაა ტროცკისტებთან აქტიური ბრძოლის გამო.
- გამსამართლებელი ორგანო: სამხედრო კოლეგია, მონაწილეობდნენ: მატულევიჩი, ორლოვი, ჟდანი, ბატნერი
- მუხლი: 58-8, 58-10, 58-11
- წყაროები: სტალინური სიები საქართველოდან
ბიოგრაფია
საბრალდებო დასკვნა ვაშაყმაძის საქმეზე შედგენილია 1937 წლის 25 ივნისს შინსახკომის ჰაერსაწინააღმდეგო თავდაცვის სამმართველოს ოპერატიული განყოფილების უფროსის თანაშემწის, კაპიტან ბერესტეცკის მიერ. დაპატიმრებას საფუძვლად უდევს 1937 წლის 13 თებერვალს საქ. სსრ კპ(ბ) ცეკას სახელზე გოგლიძის მიერ ხელმოწერილი მოხსენებითი ბარათი, სადაც აღწერილია ვაშაყმაძის ტროცკისტული საქმიანობა. მოხსენებითი ბარათი შედგენილია ვაშაყმაძის დაპატიმრებაზე სანქციის გაცემის თხოვნით. აღნიშნულ ბარათზე 23.03.1937 წ. ადევს რეზოლუცია: „თანახმა ვარ. ლ.ბ.“ რეაბილიტაცია: სსრკ უზენაესი სასამართლოს სამხედრო კოლეგიის 1957 წლის 12 ივლისის განჩინებით ვაშაყმაძის საქმე შეწყვეტილია დანაშაულის ნიშნების არარსებობის გამო.