კამენცერი გრიგორი მიხეილის ძე (1896)

დაბადების თარიღი: 1896 წ.
დაბადების ადგილი: ქ. კრასნოვოდსკი, თურქმენეთი
ეროვნება: ებრაელი
სოციალური წარმომავლობა: კუსტარი (შინამრეწველი)
სამუშაო ადგილი, თანამდებობა: დაპატიმრებამდე - ბაქოს გარნიზონის საბინაო -საექსპლუატაციო ნაწილის უფროსი; წოდება - ბატალიონის კომისარი
პარტიულობა: სკკპ(ბ) წევრი 1921 წლიდან; პარტიიდან გაირიცხა დაპატიმრების გამო.

ბრალად ედება: რომ 1934 წლიდან იყო აქტიური წევრი არალეგალური, სამხედრო, კ/რ მემარჯვენე-ტროცკისტული ორგანიზაციისა. მე-9 კავკასიური მსროლელი დივიზიის მე-4 კავკსიური პოლკის კომისრად ყოფნისას ეწეოდა მავნებლობას პოლკის პარტიულ და პოლიტიკურ საქმეებში. შემდგომ, მე-20 კავკასიური მსროლელი დივიზიის სამხედრო პროკურორად ყოფნისას, კ/რ საქმიანობით დაკავშირებული იყო მე-20 კავკასიური მსროლელი დივიზიის სამხედროებისა და მე-20 კავკასიურ მსროლელ დივიზიასთან არსებული განსაკუთრებული განყოფილების თანამშრომლებისგან შემდგარ კ/რ ორგანიზაციის მთელ რიგ წევრებთან. ხელს უწყობდა მათ მავნებლობაში პოლიტიკური და საბრძოლო მომზადების დროს, რაც მიმართული იყო მუშათა და გლეხთა წითელი არმიის ბრძოლისუნარიანობის შესუსტებისკენ. გარდა ამისა, ეწეოდა მავნებლობას სამხედრო პროკურატურის მუშაობაში, რომელიც მიმართული იყო მუშათა და გლეხთა წითელი არმიის რიგებში კ/რ და სხვა დამნაშავე ელემენტების შენარჩუნებისკენ და იბირებდა კ/რ ორგანიზაციაში ახალ წევრებს. თავი ცნო დამნაშავედ.
გამსამართლებელი ორგანო: შინსახკომის სამეული, მომხსენებელი: ასლანოვი, მონაწილეობდნენ: გოგლიძე, ჩარკვიანი, ტალახაძე
მუხლი: 58-7, 58-8, 58-11

წყაროები: სტალინური სიები საქართველოდან

ბიოგრაფია

შინამრეწველის ვაჟი. სამხედრო მოსამსახურე. 1920 წლიდან მსახურობდა მუშათა და გლეხთა წითელ არმიაში პოლიტიკურ სამუშაოებზე.