მურვანიძე დიომიდე ლუკას ძე (1890)
- დაბადების თარიღი: 1890 წ.
- დაბადების ადგილი: ლანჩხუთის რაიონი, სოფ. ჯურუყვეთი, საქართველო
- ეროვნება: ქართველი
- სამუშაო ადგილი, თანამდებობა: 1931 წ. მუშაობდა სამედიცინო პუნქტში ფერშლად.
- საცხოვრებელი ადგილი: ლანჩხუთის რაიონი, სოფ. ჯურუყვეთი, საქართველოს სსრ
- პარტიულობა: უპარტიო. წარსულში - სოციალ-რევოლუციონერთა (ესერთა) პარტიის წევრი. შემდგომ გახდა მენშევიკთა პარტიის წევრი.
- ბრალად ედება: რომ იყო სოციალ-რევოლუციონერთა (ესერთა) პარტიის ყოფილი წევრი. შემდგომ გახდა მენშევიკთა პარტიის წევრი. არალეგალური მენშევიკური საქმიანობის გამო გადასახლებული იქნა 1931 წელს. ა/ს საქმიანობისთვის დაპატიმრებული იყო ორჯერ 1931 წლამდე. 1934 წელს გადასახლებიდან დაბრუნებულმა ლანჩხუთის რაიონის სოფელ ჯურუყვეთში დაამყარა კავშირი გადასახლებიდან დაბრუნებულ ყოფილ მენშევიკებთან ნოე ხოფერიასთან, ლავრენტი ნაკაიძესთან, ბათლომე გოგიჩაიშვილთან და აქტიურ კ/რ ტროცკისტ აპოლონ ცინცაძესთან. აღნიშნული ჯგუფის წევრებთან ერთად სისტემატურად ეწეოდა ა/ს აგიტაციას და ა/ს საუბრებს, ადიდებდა მენშევიკურ დებულებებს და დაპატიმრებამდე რჩებოდა მენშევიკების შეგნებულ მომხრედ. იყო მტრულად განწყობილი საბჭოთა ხელისუფლების წინააღმდეგ, ცდილობდა გაემართა კ/რ მენშევიკური საქმიანობა. ამასთან ერთად, მურვანიძე ეწეოდა აშკარა მავნებლურ საქმიანობას მოსახლეობის ტიფის წინააღმდეგ აცრით, რითაც გამოიწვია მოსახლეობაში ხელოვნური სიკვდილიანობა.
- გამსამართლებელი ორგანო: შინსახკომის სამეული, მომხსენებელი: კვინტრაძე, მონაწილეობდნენ: რაფავა, წერეთელი, ტალახაძე, მოროზოვი
- წყაროები: სტალინური სიები საქართველოდან
ბიოგრაფია
გამოცხადდა, რომ იგი გაასამართლეს და გარდაიცვალა პატიმრობაში 31/10-1944 წელს ფილტვის ტუბერკულოზით. სიკვდილი აღნუსხულია ლანჩხუთის რაიონის მმაჩის ბიუროში.