ბუნტე ვილი ავგუსტის ძე (1907)
- დაბადების თარიღი: 1907 წ.
- დაბადების ადგილი: ქ. ბერლინი, გერმანია
- ეროვნება: გერმანელი
- სოციალური წარმომავლობა: მუშა
- განათლება: მცირემცოდნე
- სამუშაო ადგილი, თანამდებობა: დაპატიმრებამდე - ბოლნისის რაიონის ხის გადამამუშავებელი საამქროს ოსტატი
- დაპატიმრების თარიღი: 08/17/1938 წ.
- ბრალად ედება: რომ იყო გერმანიის დაზვერვის მიერ საბჭოთა კავშირის ტერიტორიაზე მოგზავნილი საჯაშუშოდ და საბჭოთა კავშირში გადმოსვლის შემდეგ ითრევდა პირებს გერმანიის დაზვერვის ჯაშუშურ ქსელში. ასევე, ეწეოდა მოქალაქეების გადაბირებას მავნებლური, ძირგამომთხრელი საქმიანობის განსახორციელებლად. აწარმოებდა ჯაშუშურ საქმიანობას გერმანიის დაზვერვის სასარგებლოდ. ჩატარებული გამოძიების მიერ დადგინდა, რომ ვილი ავგუსტის ძე ბუნტე სსრკ ტერიტორიაზე შემოგზავნილი იყო პოლიტემიგრანტი კომუნისტის საფარველით. სსრკ სხვადასხვა ქალაქებში, მათ შორის ლუქსემბურგში, აწარმოებდა ჯაშუშურ დივერსიულ საქმიანობას, გერმანელი ჯაშუშის, ემილი დიტრიხის რეზიდენტურაში ორგანიზება გაუწია დივერსიულ ჯგუფს ელექტროსადგურზე, რომელმაც განახორციელა ტერორისტული აქტი კომკავშირელ მ.ი. კირვალიძის მიმართ, რომელმაც დივერსიული ჯგუფის საქმიანობა ამხილა. ეწეოდა აგიტაციას ფაშისტური გერმანიის სასარგებლოდ. მხილებულია აგაიანცის, სტრელცოვის, შმიდტის, რიბის და ემილი დიტრიხის ჩვენებებით. თავი სრულად ცნო დამნაშავედ.
- გამსამართლებელი ორგანო: შინსახკომის სამეული, მომხსენებელი: ალეკპეროვი, მონაწილეობდნენ: გოგლიძე, ჩარკვიანი, ტალახაძე
- წყაროები: სტალინური სიები საქართველოდან
ბიოგრაფია
ცნობა www.memo.ru: ვილი ავგუსტის ძე ბუნტე, სსრკ ტერიტორიაზე ყოფნისას. გერმანიის მოქალაქე. პასპორტი და ბინადრობის მოწმობა არ გააჩნია. დროებით ცხოვრობს ლუქსემბურგში.გარმანიის ჯაშუში, დივერსანტ-ტერორისტი.