ფილატოვი მიხეილ ივანეს ძე (1897)

დაბადების თარიღი: 1897 წ.
დაბადების ადგილი: მორდოვეთი, სოფ. ჩუფაროვო , რუსეთი
ეროვნება: რუსი
სამუშაო ადგილი, თანამდებობა: დაპატიმრებამდე - 76-ე დივიზიის შტაბის უფროსის მოვალეობის დროებით შემსრულებელი; სამხედრო წოდება - მაიორი.
პარტიულობა: საკავშირო კპ(ბ) წევრი 1927 წლიდან

ბრალად ედება: რომ 1. იყო აქტიური წევრი კ/რ მემარჯვენე-ტროცკისტული, ტერორისტული, მავნებლური სამხედრო ორგანიზაციისა, რომელმაც 01.12.1934 წელს განახორციელა ს.მ კიროვის მზაკვრული მკვლელობა და შემდგომ წლებში(1934-1937) გეგმავდა ტერაქტებს საკავშირო კპ(ბ)-სა და საბჭოთა ხელისუფლების ხელმძღვანელთა წინააღმდეგ. 2. იყო კ/რ სამხედრო შეთქმულების აქტიური მონაწილე, ეწეოდა ძირგამომთხრელ და გადამბირებლურ-მავნებლურ საქმიანობას, რომელიც მიმართული იყო სსრკ-ს ძლიერების და მუშათა და გლეხთა წითელი არმიის ბრძოლისუნარიანობის შესუსტებისაკენ. 3. 1927 წელს იყო ჩართული ჯაშუშურ საქმიანობაში, ამ ჯაშუშურ საქმიანობაში გადაიბირა დივიზიის სამწყობრო განყოფილების ყოფილმა უფროსმა ზმიტროვიჩმა, რომელიც იყო ინგლისის დაზვერვის აგენტი. მას აწვდიდა ჯაშუშურ მასალას დივიზიის ნაწილების საბრძოლო მომზადების მდგომარეობის თაობაზე. ბრალდებული ფილატოვმა ზმიტროვიჩის დავალებით ჯაშუშურ საქმიანობაში ჩაითრია იაკუბჩიკი, დივიზიის შტაბის პირველი ნაწილის უფროსის დამხმარე. თავი სრულად ცნო დამნაშავედ.
გამსამართლებელი ორგანო: შინსახკომის სამეული, მომხსენებელი: გულსტი, მონაწილეობდნენ: გოგლიძე, ჩარკვიანი, ტალახაძე
მუხლი: 58-7, 58-8, 58-11

წყაროები: სტალინური სიები საქართველოდან

ბიოგრაფია

სპეციალური სამხედრო განათლებით, დაამთავრა თადარიგის სამეთაურო შემადგენლობის სრულყოფის კურსები.